Bunu Xeberle.com-a açıqlamasında Doktor.az klinikasının terapevti Lalə İbadova deyib. O qeyd edib ki, qidalarla kifayət qədər dəmir qəbul etməmək (məsələn, həddindən artıq pəhriz məhdudiyyətləri, ət yeməmək, yaşıl tərəvəzlər) anemiyaya gətirib çıxarır. O anemiyaya səbəb olan digər səbəbləri sadalayıb:

"Qida ilə həzm sisteminə daxil olan dəmirin qeyri-kafi paylanması (iltihabi bağırsaq xəstəlikləri, əvvəllər mədə və bağırsaq əməliyyatları, məsələn, bariatrik cərrahiyyə və s.) Qan itkisinin baş verdiyi hallar (qadınlarda menstruasiya zamanı güclü qanaxma, mədə qanaxmaları, hemoroid-hemoroid, mədə-bağırsaq xərçəngi və s.) Bundan başqa hamiləlik dövründə orqanizmin dəmirə ehtiyacı artır və dəmir dəstəyi verilmədikdə dəmir çatışmazlığı müşahidə edilə bilər.

Bəs, bədəndə dəmir çatışmazlığının simptomları nədir?

Lalə İbadovanın sözlərinə görə, dəmir çatışmazlığının inkişaf sürətindən asılı olaraq, əlamət və simptomların şiddəti dəyişə bilər: "Ən çox görülən əlamətlər bunlardır: Yorğunluq solğunluq nəfəs darlığı baş ağrısı başgicəllənmə Qavrama-öyrənmə qabiliyyətinin azalması Ürək döyüntüləri quru və zədələnmiş saç və dəri dildə və ağızda şişlik və ağrı, udmaqda çətinlik çəkmək, zəifləmiş dırnaqlar və. s.”