Evinizdə neçə gündən bir təmizlik işləri görürsünüz? Hər halda heç olmasa 2 gündən bir təmizlənməsə, ev nə hala düşər...

Qaraciyər də orqanizmin qulluqçusudur. O, sizi daxilinizdəki artıq toksinlərdən xilas edir. Buna görə də o, orqanizmin və orqanların performansının bütövlükdə qorunmasına kömək edir. Qaraciyəri qorumaq üçün gündəlik menuya bəzi məhsulları daxil etmək kifayət edir. Və bu, ilk növbədə sağlam qidadan başlayır.

Müasir qidalar, həmçinin ətraf mühiti çirkləndirən maddələr və bizim toksinli məhsullara artan asılılığımız qaraciyərimizin tez sıradan çıxmasına səbəb olur. Məhz buna görə də bəzi qida məhsullarının köməyi ilə qaraciyəri necə təmizləməyi bilmək vacibdir. Qaraciyər qanı tənəffüs zamanı, yaxud yemək zamanı daxili orqanlarımıza hopmuş, həmçinin dəridən keçən toksin maddələrdən təmizləyir.

Son zamanlar bu, təkcə böyüklərdə deyil, həm də uşaqlar arasında yayılıb. Çünki qaraciyər müxtəlif xəstəliklərə gətirib çıxarır. Məsələn, hepatitin müxtəlif formaları, serroz, xərçəng və digər xəstəliklər. Beynin, ürəyin, gözlərin, cinsi orqanların, oynaqların, həmçinin böyrəklərin müvafiq fəaliyyəti qaraciyərin aktivliyindən asılıdır.

Qaraciyərin funksiyaları:

-Bir sıra yad maddələri bədəndən uzaqlaşdırır. Xüsusilə allergik maddələri, zəhəri daha zərərsiz və tez məhv edir;

-Hormonların, vitaminlərin qalıqlarını orqanizmdən atmağa kömək edir. Məsələn, fenolun, etanolun, asetonun və keten turşularının;                       

-Həzm prosesində iştirak edir;

-Karbohidratların metabolizmasını tənzimləyir;

-Qanı təmizləyir;

-Hormonları və fermentləri birləşdirir.

Qaraciyərinizi belə qoruyun

Təbii ki, ilk ağlımıza gələn çuğundur, yaxud zəncirotu olur. Bu doğrudur, amma diqqətimizi mətbəxinizdə daha asan əldə oluna bilən qida məhsullarına yönəldək.

İsti su və limon

Toksinlərin və tullantıların orqanizmdən xaric olunmasında iştirak edən isti suyun limon şirəsilə gündəlik istifadəsi qaraciyərin fəaliyyətini tənzimləyir.

Sarımsaq

Bu, qaraciyərin təmizlənməsinə kömək edən ən yaxşı məhsullardan biridir. Lakin çox yemək təbii ki, zərərlidir.

Avakado

Nəyə görə C vitamini ilə zəngin olan məhsulların istifadəsi qaraciyərin təmizlənməsinə kömək edir? Çünki C vitamini qlükoza kimi maddənin sintezinə gətirib çıxarır.

Sarıkök

Qaraciyər problemi olan insanlara sarıkök sadəcə lazım deyil, həm də mütləqdir. Bunu qızarmış mərcimək, yaxud vegetarian yeməklərə əlavə edin. Effekt özünü çox gözlətməyəcək.

Qaraciyərin təmizlənməsi orqanlarımızın düzgün fəaliyyəti və sağlamlığında həlledici rol oynayır.(atv.az)