Vitamin ehtiyacını təbii qidalarla ödəmək yerinə əlavə vitaminlər istifadə etmək xəstəliklərə yol açır. Məlumatsız şəkildə və həkim təyinatı olmadan vitamin qəbulunun ziyanlarını təqdim edir.
Həkimlərin dediyinə görə, yanlış vitamin qaraciyər və böyrəklər üçün təhlükəlidir. Məlumatsız şəkildə qəbul edilən A vitamini qaraciyər pozuntusu, C vitamini böyrək daşı və mədə problemlərinə yol açır.
İnsanın vitamin əskikliyi kimi şikayəti varsa, istəyinə bağlı olaraq deyil, həkim nəzarətində əlavə vitaminlər almağı məsləhətdir. Lazımsız yerə qəbul edilən A vitamininin çoxu bədəndə yığılaraq qaraciyər zəhərlənməsinə yol açır. Hətta araşdırmalar zamanı prostat xərçənginin artan vitamin qəbulu ilə bağlı olduğu müəyyən edilib.
Çox C vitamini qəbulu oksalat daşlarını yaradır
İnsan xəstə olanda ilk müraciət edilən vitamin C vitaminidir. Ancaq yüksək dozada və uzun müddət C vitamini qəbulu oksalat daşları formalaşdıra bilər. Anemiya xəstəliklərində dəmirlə birgə C vitamini qəbulu tövsiyə edilir, ancaq dəmir yığını olan hemokromatoz vəziyyətlərində və hemolitik anemiyalarda C vitamini tövsiyə edilmir.
Vitamin ehtiyacı insana görə dəyişir
İstifadə edilməli olan vitaminləri qəbul etmədən əvvəl mütləq həkimlə məsləhətləşmək lazımdır. Vitaminlərin tövsiyə edilən gündəlik miqdarları "RDA” olaraq təyin edilməlidir. Bu dəyər vitaminlərin qutularında qeyd edilib. Təbii yollarla vitamin ehtiyacını ödəmək üçün vitaminlə zəngin bol meyvə-tərəvəz yeyin. Mövsümə uyğun qəbul edilən meyvə və tərəvəzlər ən zəngin vitamin və mineral qaynağıdır.(lent.az)
Xəbərdən istifadə edərkən istinad etmək vacibdir.
