Bəzi xəstəliklərdən və infeksiyalardan qoruyan bir müdafiə mexanizmi olan immunitet sistemi olduqca mürəkkəb quruluşa malikdir. Güclü və sağlam bir immunitet sistemi enerjinizdən daha yaxşı istifadə etməyinizə və özünüzü yaxşı hiss etməyə kömək edir, infeksiyalara qarşı bədəni qoruyur, xərçəng hüceyrələrini məhv edir, yaşlanma müddətini gecikdirir. Bundan başqa, cərrahiyyə əməliyyatlarından sonra insanın tez müddətdə özünə gəlməsi, əvvəlki həyat tərzinə dönməsi və yaxşılaşması da güclü immunitet sisteminə bağlıdır.
Ət qrupu məhsulları: kifayət qədər zülal qəbul etmək immunitet sisteminin güclənməsi üçün vacibdir. Ət, toyuq, balıq, quru paxlalılar, dəniz məhsulları kimi fərqli zülal qaynaqları olan qidalar gündəlik menyunuzda yer almalıdır. Nəzərə alın ki, zülal çatışmazlığı immunitet sistemini zəiflədir.
Zəncəfil və sarıkök. Xüsusən də mədə bulanmasına qarşı təsiri olan zəncəfil xolestrolun düşməsinə kömək edir, qaraciyəri qoruyur, laxtalanmağı gecikdirmək və immunitet sistemini gücləndirməyə kömək edir. Gündəlik bir çay qaşığı sarıkökü isə şorba, ət və toyuq yeməklərinizə qatmaqla immunitetinizin yüksəlməsinə kömək edə bilərsiniz.
İmmunitet sistemini gücləndirən digər qidalar sırasına balıq, sarımsaq, probiyotiklər, yumurta, çörək otu, pomidor, qoz, fındıq, bal daxildir.(Lent.az)
Xəbərdən istifadə edərkən istinad etmək vacibdir.
