Qış gəlib çatır. Soyuq, üşütmə, bronxit, xəstəliklərin hamısı qapımızdadır. Bütün bunlardan qorunub sağlam bir şəkildə arıqlamaq üçün ən doğru pəhriz proqramı hansıdır? Qışda xəstələnmədən arıqlamaq üçün yeməli olduğunuz ən mühüm qidalar meyvə və tərəvəzlərdir. Bundan başqa qış aylarında xəstəlik və infeksiyalardan qorunmaq üçün immunitet sistemimiz güclü olmalıdır. Mütəxəssislər qış aylarında gündəlik A, C, E vitaminləri, selenium, sink, maqnezium qəbulunu artırmağı tövsiyə edir. C vitamini ilə zəngin olan yaşıl bibər, cəfəri, aruqula, tərə, ispanaq, portağal, limon və naringi kimi qış qidaları yeyin. Bundan başqa E vitamini ilə zəngin olan fındıq, badam, yağlar, yaşıl yarpaqlı tərəvəzlər, quru paxlalılar yeyin. Balıq yağı, omega 9 tərkibli zeytun və fındıq yağı da immunitet sistemini inkişaf etdirən qidalardır.
Aile.lent.az qış ayları üçün ən uyğun pəhriz proqramını təqdim edir. Bu pəhrizə əməl edərkən səhər yeməyindən əvvəl 1 stəkan ilıq suya 1 çay qaşığı limon sıxıb için.
1-ci gün
Səhər: 1 dilim qızardılmış, ya da isladılmış kəpək çörəyi, 1 yumurta, 1 dilim pendir, 1 stəkan şəkərsiz çay, ya da qəhvə
Günorta: 100 qram dərisi soyulmuş qızardılmış toyuq, 1 kasa qatıq, 1 xiyar
Axşam: 1 pors ətli, kəvərli tərəvəz yeməyi, salat, 1 alma
2-ci gün
Səhər: 1 dilim qızardılmış, ya da isladılmış kəpək çörəyi, 1 yumurta, 1 pomidor, 1 stəkan şəkərsiz çay, ya da qəhvə
Günorta: 100 qram qaynadılmış dana əti, yarım pors plov, salat
Axşam: 1 pors ətli noxud yeməyi, salat, 1 portağal
3-cü gün
Səhər: 1 yumurtalı omlet, 1 stəkan şəkərsiz çay, ya da qəhvə
Günorta: 100 qram qızardılmış hinduşka əti, 1 dilim kəpək çörəyi, salat
Axşam: 1 pors qiyməli ispanaq yeməyi, salat, 1 ədəd naringi
4-cü gün
Səhər: 1 dilim qızardılmış, ya da isidilmiş kəpək çörəyi, 1 xiyar, 1 stəkan şəkərsiz çay ya da qəhvə
Günorta: 100 qram qızardılmış kotlet, salat, 1 kasa qatıq
Axşam: 1 pors gül kələmi yeməyi, yarım pors yağsız makaron, 1 ədəd nar
5-ci gün
Səhər: 1 yumurta, 1 pomidor, 1 xiyar, 1 stəkan şəkərsiz çay, ya da qəhvə
Günorta: 100 qram qızardılmış bifşteks, 1 kasa qatıq, 1 ədəd portağal,
Axşam: 1 ədəd göbələk sotesi, yarım pors makaron, 1 ədəd naringi
6-cı gün
Səhər: 1 yumurtalı omlet, 1 stəkan şəkərsiz çay, ya da qəhvə
Günorta: 3 ədəd doğranmış qarışıq tərəvəz yeməyi, yarım pors plov, 1 nar
Axşam: 1 pors ətli quru lobya, 1 kasa qatıq, 1 ədəd portağal
7-ci gün
Səhər: 1 dilim qızardılmış, ya da isidilmiş kəpək çörəyi, az pendir, 1 pomidor, 1 stəkan şəkərsiz çay, ya da qəhvə
Günorta: 100 qram qızardılmış toyuq filesi, 1 kasa qatıq
Axşam: 1 pors balqabaq yeməyi, yarım pors makaron, 1 kasa qatıq
Gecələr 1 stəkan ilıq süd için.
Xəbərdən istifadə edərkən istinad etmək vacibdir.
