Qış mövsümündə dəriyə xüsusi diqqət göstərmək lazımdır. Lasyon və sabun məsləhət görülməyən quru dəriyə qidalandırıcı krem vurulmalıdır. Xüsusən də qarlı havada küçəyə çıxdığınız zaman soyuğu dərinizdə hiss edirsinizsə, demək, ölü dəri cildinizdən təmizlənməlidir. Soyuq havada dəriyə düzgün qulluq etməklə bağlı bəzi məsləhətlər:
İlk növbədə dəriyə qulluq məhsulları ilə dərinizin sağlamlığının geri qaytarılmasına çalışın. Qış aylarının yaxınlaşması ilə lazım olan qulluq vasitələrindən istifadə etməsəniz, soyuğun dərinizə təmas etməsi böyük ziyan verə bilər. Buna görə də tədbiri əldən verməyin.
Soyuq havada dəridə qan dövranı azalır, bədən istisi aşağı düşür. Buna görə də tər və yağ toxumalarının normaldan az olması nəticəsində dəri lazım olan antioksidan və qidalandırıcı vitaminlər ala bilmir. Bunun fəsadı isə dərinin qurumasıdır. Soyuğa qarşı dəriyə qulluq etməsəniz, yağ itkisi də yarana bilər. Bunlardan sonra isə dəriniz daha ciddi problemlərlə üzləşəcək, dəri sağlamlığını itirəcək, solğun, quru görünəcək.
Elə isə nə etməli?
Yay bitən kimi əliniz dərinizin üzərində olsun. Dəriyə qulluq vasitələrindən tez-tez istifadə edin, yağlandırıcı kremlərlə dostlaşın. Lakin bu yağlı kremlərin əks təsirli və ya allergiya yaradan olmaması lazımdır. Tərkibində lasyon və ya sabun olmayan qulluq vasitələri sizin üçün lazım olanlardır.
Soyuq havada isti hamam sizə çox cəlbedici gələ bilər. Lakin hamamda çox qalmayın, çünki suyun istiliyi dərinizin qurumasına səbəb olacaq. Ona görə də hamamdan çıxan kimi dərinizə qidalandırıcı krem çəkin. (Lent.az)
Xəbərdən istifadə edərkən istinad etmək vacibdir.
