Məlum olduğu kimi, hamilə olan qadının yenidən hamilə qalması mümkün deyil. Lakin bəzən həkimlərin "mümkün deyil” dediyi bəzi şeylərin şahidi olduqda insan öz-özünə "görəsən, mən də belə bir vəziyyətə düşə bilərəmmi?” sualını verir. Türk mütəxəssislərinin hamilə olan zaman yenidən hamilə qalmaq haqqında fikirlərini təqdim edir.

2009-cu ildə amerikalı bir qadın iki həftə arayla iki dəfə hamilə qalıb. 31 yaşında qadının qız və oğlan övladları 17 gün ara ilə dünyaya gəliblər. Bu xəbər tibb sahəsində olduğu kimi insanlar arasında da xeyli müzakirələrə səbəb olub.

Mütəxəssislərin fikrincə, hamilə ikən yenidən hamilə qalmağın (Superfetasiya) səbəbi qadının yumurtlamağa davam etməsidir. Normal halda bir hamiləlik başa çatmadan digər hamiləlik baş verə bilməz. Səbəbi isə qadınların hər ay bir yumurta inkişafına uyğun anatomiyaya malik olmasıdır. Hamiləlik baş verdikdən sonra yumurtalıqlar aktivliyini dayandırır. Buna görə də hamiləlik doğuşdan sonrayadək mümkün deyil. Lakin tibbi ədəbiyyatlarda bu cür hamiləlik mövcuddur. Belə vəziyyət tibdə iki cür izah edilir: birincisi, çox nadir hallarda eyni ayda iki yumurtanın inkişafı və bir dənəsinin daha sonra döllənməsi (superfekundasya), ikincisi isə, qadın hamilə qaldıqdan sonrakı aylarda başqa bir yumurta ilə döllənməsidir (superfetasya).

Tibb normal formada bunun mümkün olmadığını deyir, eyni zamanda milyonda bir ehtimalla hamiləlik zamanı hamilə qalmağın mümkün olduğunu da inkar etmir.

Bəzən hamiləliklər daxili və xarici hamiləlik kimi aldadıcı da ola bilər. Lakin bunlar da normal hamiləlik deyil. Qorunmaq istəyənlər isə hamilə olan zaman cinsi əlaqəyə girdikdə gigiyenanı təmin etmək məqsədi ilə prezervativdən istifadə edə bilər.(lent.az)