Texnologiya və müalicə imkanlarının artmasına rəğmən qadınlarda yumurtlama problemi artarkən, kişilərdə isə sperma keyfiyyəti və sayı düşür. 100 il əvvəl kişilərdə sperma sayı millilitrdə 100-120 milyon idisə, Ümumdünya Səhiyyə Təşkilatının son nəticələrinə görə, bu rəqəm artıq bir çox kişidə 15 milyona qədər enib. Yəni dünya gedərək sonsuzlaşır.
Dünyanın sonsuzlaşmasına texnologiya və həyat tərzi səbəbdir
Aile.lent.az-ın xarici mətbuata istinadən məlumatına görə, alimlər dünyanın sonsuzlaşmasında ən vacib səbəbi texnologiyanın inkişafı, həyat tərzindəki dəyişikliklərdə olduğunu deyir.
Problemin kökündə duran ən mühüm göstəricilərdən biri kişilərdəki sperma sayının çox aşağı olmasıdır. Buna təsir edən səbəb hava, su, ətraf kirliliyi kimi amillərdir. Sənayedə istifadə edilən ağır metalların, qidalarla, suyla və havayla aldığımız yad cisimciklərin də çox böyük rolu var.
Benzindəki qurğuşun, ağır sənayedə istifadə edilən civə, nikel, kadmiyum kimi metalların hamısı toksikdir. Xüsusən dəm qazları sonsuzluğun yaranmasında çox təsirlidir. Belə ki, dəm qazlarından çıxan dioksin sonsuzluq nisbətini çox böyük dərəcədə artırır.
Kişi sonsuzluğunun yüzdə 85 faizinin səbəbi bəlli deyil
Doğru diaqnoz və zamanında müdaxilə müalicədə şansı artırır. Sonsuzluqda ən çarəsiz qalan nöqtə isə kişi sonsuzluğudur. Keyfiyyətsiz sperma, sperma sayının aşağı olması, sperma hərəkətlərinin az olması, morfologiyasının, sperma biçimin pozulması kimi amillər ilə "azospermai” yəni heç sperma olmaması müalicəni ən çox çətinləşdirən və çarəsizlik yaradan bir haldır.
Çünki kişi sonsuzluğunun təxminən yüzdə 85-nin səbəbi məlum deyil.
Səbəbi bilinmədiyindən müalicə də etmək olmur və süni mayalanma edilir.
Qadındakı problemlər daha asan həll edilir
Qadınlarda sonsuzluqla bağlı problemlərin təxminən yüzdə 40-ı yumurtalama yəni ovulyasiya problemləri ilə əlaqəlidir. Təxminən yüzdə 40-da boruları tıxalı və qarın pərdəsinin qapalı olması halıdır. Bunlar da endoskopiya üsulu ilə müalicə edilə bilər.
Müalicədə ən təsirli üsul süni mayalanma yoludur.
Mikro Çipli süni mayalanma müalicəsi nədən önəmlidir?
Mütəxəssislər "Mikro Çipli Tüp Bəbək” – süni mayalanma üsulunun üstünlüklərinə diqqət çəkərək yüksək keyfiyyətli embrionlar sayəsində hamiləlik şansının artdığını deyir. Mikro inyeksiya yolu ilə ayırd edilən sağlam spermalar fərqli bir sahədə toplanır. Bu spermaların yumurta hüceyrəsi ilə dölləndirilməsi ilə ana və ata olmaq istəyən şəxslərin xəyallarına qovuşması şansı artır.
Artıq 10 kilo sonsuzlaşdırır
Dəyişən həyat tərzinin sonsuzluğun artmasında mühüm rolu olduğunu deyən həkimlər, bunların başında piylənmə probleminin gəldiyini vurğulayırlar. Kilonun həm qadın həm də kişilərdə uşaq sahibi olma sağlığı üzərində ciddi zərərləri olduğunu bildirən alimlər "10 kilo artığınız varsa, bu sizi sonsuzlaşdırır ” - deyə xəbərdar edirlər.
Süni mayalanma üçün yaş həddi
Sonsuzluq müalicəsində mühüm rol oynayan amillərdən qadının yaşıdır. Qadınlar üçün yaş həddi 43-dür. Kişilərdə yaş həddi yoxdur, amma qadınlarda bu yaş həddini keçmələri müalicəsinin müsbət nəticəsinə təsir edir. 43 yaşdan sonra şans azalır. Ən yaxşı yaş qrupu isə 20 ilə 35 yaş arasıdır, 35-dən sonra iş çətinləşir.
Xəbərdən istifadə edərkən istinad etmək vacibdir.
