"Azərikimya” İB-nin təşəbbüsü ilə Mərkəzi Neftçilər Xəstəxanasında növbəti sağlamlıq aksiyası – göz əməliyyatları keçirilib. "Azərikimya” İstehsalat Birliyinin təşəbbüsü ilə keçirilən növbəti tibbi-xeyriyyə aksiyası göz əməliyyatına ehtiyacı olan bir qrup ahıl və imkansız şəhər sakininə sevinc bəxş edib. Aksiya şəhərin müxtəlif mikrorayonlarının ahil və imkansız sakinlərinin, gözlərində yaranmış «mirvari suyu» xəstəliyinə görə görmə qabiliyyətləri xeyli zəifləmiş təqaüdçü kimyaçıların «Azərikimya» İB-nə ünvanladıqları müraciət əsasında həyata keçirilib. Əməliyyatdan bir gün öncə - aprelin 28-də «Azərikimya» İB-nin rəhbərliyi pasientlərlə və əməliyyatlara hazırlıq işlərini həyata keçirən "Kimyaçı” poliklinikasının həkim və tibb personalı ilə görüşüb, əməliyyata hazırlığın vəziyyəti ilə maraqlanıb, ölkə rəhbərliyinin əhalinin sağlamlığına göstərdiyi diqqət və qayğının təzahürü olan bu aksiyaların vaxtaşırı və təmənnasız olaraq keçiriləcəyini bildirib və xəstələrə şəfa arzulayıb. Aprelin 29-da isə 6 nəfər Mərkəzi Neftçilər Xəstəxanasında təcrübəli cərrah-oftalmoloqlar tərəfindən əməliyyat olunub, bununla da xəstələr onları narahat edən «mirvari suyu» xəstəliyindən birdəfəlik xilas olublar. Gün ərzində həyata keçirilmiş əməliyyatların hər biri uğurla sona yetib, pasientlər lazımi tibbi xidmət göstərildikdən, müəyyən prosedurlar yerinə yetirildikdən və müvafiq məsləhətlər aldıqdan sonra xüsusi müşayiətlə evlərinə yola salınıblar. Əməliyyat olunan xəstələrin yaxınları və doğmaları göstərilən diqqət və qayğıya görə ölkə Prezidentinə, Səhiyyə Nazirliyinə və SOCAR rəhbərliyinə dərin minnətdarlıq-larını ifadə ediblər.
Gürcüstan Prezidenti Salome Zurabişvili Azərbaycan Respublikasının Prezidenti İlham Əliyevə təbrik
Hüseyn Dəryanın qızı atasının vəsiyyətinə əməl etmək istəyir - Məşhurların son günü - FOTOLAR
Noyabr ayının 16-dan 17-dək daxili işlər orqanlarında qeydə alınmış cinayət və hadisələr haqqında
Azərbaycan polisinin 100 illik yubileyidir.
"Bu gün düz 3 saat 50 dəqiqə növbədə durduqdan sonra "Qarabağ" - "Roma" futbol oyununa bilet aldım".
Sumqayıtlı siyasi ekspert: "İtikilərimizə görə məsuliyyət daşıyanlar mütləq
Kommunal xidmətlərdən hansına daha çox ödəniş edrisiniz?
2016 Powered By Maker.az