Sumqayıtda ənənəvi olaraq bu il də görkəmli oftalmoloq alim, akademik Zərifə Əliyevanın anadan olmasının 93-cü ildönümü münasibətilə Milli Onkologiya Mərkəzinin Mobil Diaqnostika Kompleksi və Sumqayıt şəhər səhiyyə şöbəsinin birgə təşkilatçılığı ilə humanitar aksiya keçirilib. Aksiyada qadınlar tibbi onkoloji-ginekoloji profilaktik müayinədən keçiblər.

Sumqayıt Şəhər Təcili Tibbi Yardım Xəstəxanasının həyətində Milli Onkologiya Mərkəzini Mobil Diaqnostika Kompleksi tərəfindən həyat keçirilən humanitar aksiyada Onkologiya Mərkəzinin təcrübəli həkim briqadası və mütəxəssisləri tərəfindən qadınlarda xərçəngyönlü xəstəlikləri vaxtında aşkarlamaq məqsədilə əhaliyə profilaktik yardım göstərilib.

Müraciət edən qadınlar həkim-onkoloqmama-ginekoloq, mammoqrafiya, rentgen, ultrasonoqrafiya və laborator müayinələrdən keçiblər. Aşkar olunan xəstələr qeydiyyata alınaraq Milli Onkologiya Mərkəzində ambulator və yaxud stasionar müalicəyə cəlb ediliblər.

Tədbirin keçirilməsində əsas məqsəd qadınlarda süd vəzi xəstəliklərini, şişlərin, xərçəngyönlü xəstəliklərin əlamətlərini və digər xəstəlikləri vaxtında aşkarlamaqdan ibarət olub. Aksiya zamanı Mərkəzi Onkologiya Mərkəzinin müvafiq tibbi avadanlıqlarla təchiz olunmuş səyyar Mobil Diaqnostika Kompleksində 200-ə yaxın qadın tibbi müayinədən keçib. 
Azərtac