Sağlam arıqlamağın 2 əsas qaydası var. Bu qaydalardan ilki yetərincə qidalanmaq, ikincisi isə nizamlı yemək yeməkdir. Qidalanmanızda yol verdiyiniz səhvlərin fərqinə varsanız və bu səhvləri bir-bir həyatınızdan çıxarıb, əvəzində doğru qidalansanız, zamanla ideal bədən quruluşuna sahib ola bilərsiniz.
Aile.lent.az sağlam arıqlamaq istəyənlərə tövsiyələr təqdim edir. Sağlam çəki atmaq istəyirsinizsə, bu məsləhətləri diqqətə almanızda fayda var.
Səhər yeməyi mütləqdir
Səhər saatları maddələr mübadiləsinin sürətlə çalışdığı saatlardır. Bu səbəbdən səhər yeməyi mütləq və erkən saatlarda yeyilməlidir. Bildirək ki, proteinlə zəngin olan səhər yeməyi gün içində qida qəbulunuzu azalda biləcəyi kimi, yağ yandırmağı da sürətləndirir.
Əgər səhər yeməyinizi günorta saatlarına kimi gecikdirsəniz, bədən o saatda çalışmağa başlayar və böyük ehtimalla gecə yemək yeməyə başlayarsınız və ya axşam yeməklərinizin kalorisi yüksək olar. Halbuki maddələr mübadiləsinin zəiflədiyi saatlar axşam saatlarıdır.
Ara yeməkləri yeyin
Ara yeməklər mütləq yeyilməlidir. Sağlam ara yeməklər, yemək vaxtı gələndə çox ac olmanızı əngəllədiyi kimi, maddələr mübadilənizin sürətlənməsini təmin edir.
Ara yemək saatlarında qatıq, 1 pors quru meyvə, darçınlı süd, ¼ smit, yarım paket kəpəkli meyvəli peçenye, yarım banan, 1 pors meyvə yeyə bilərsiniz.
Gün ərzində süd qəbuluna diqqət edin. Gündə ən az 2, ya da 2,5 litr su için. Bunun sayəsində həm həzm sisteminiz yaxşı çalışar, həm də toksinlərdən qurtula bilərsiniz.
Günorta və axşam yeməyi saatlarını dəqiqləşdirin
Günorta və axşam yeməyini hansı saatlarda yeyəcəyinizi mütləq dəqiqləşdirin. Yay olduğu üçün günorta yeməyi saat 13:00-13:30, axşam yeməyi isə saat 19:00–19:30 saatlarında yeyilə bilər.
Yatmadan əvvəl 1 stəkan darçınlı süd için
Xüsusən gecə gec saatlarda yemək yeyib yatmaqdan uzaq durmaq lazımdır. Çünki yeyib, dərhal yatarkən böyümə hormonunun ifrazının azalmasına səbəb olursunuz. Böyümə hormonu da orqanizmdə çox mühüm funksiyalara sahibdir.
Böyümə hormonu hansı işləri görür? Enerji üçün yağ yanmasını artırır, qidalardan əldə edilən kalsiumun sümüklərə keçməsini asanlaşdırır, bədənin yenilənməsini təmin edir, insanlarda boy uzanmasını artırır, hüceyrə formalaşmasını və hüceyrə yenilənməsini təmin edir.
Xəbərdən istifadə edərkən istinad etmək vacibdir.
