Havalar soyuduqca, ətrafımızda qrip infeksiyasına yoluxanların da sayı artır. Qrip olan insanlarla eyni əhatədə olmaq isə yoluxma ehtimalını artırır.
Bəs qrip olmamaq üçün nə edə bilərik?
Sizə qripə yoluxmamaq üçün əməl etməli olduğunuz 10 qaydanı təqdim edirik.
1. Əllərinizi tez-tez yuyun. Əlləri sabun və su ilə 20 saniyə yumaq lazımdır. Yanınızda su ilə sabun yoxdursa, alkoqol tərkibli nəm salfetdən istifadə edin. Bu, xəstələnmə, ya da evə qrip mikrobunu daşıma riskini minimuma endirə bilər.
2. Gözlərinizə, burnunuza, ağzınıza toxunmamağa çalışın. Asqırdıqdan sonra əllərinizi yumadan gözlərinizə və burnunuza toxunmayın.
3. Şəkər, spirtli içki, işlənmiş qida qəbulunu azaldın. Yüksək miqdarda keyfiyyətli protein qəbul edin və tərəvəz yeyin. Yemək bişirərkən sarımsaq, zəncəfil, sarıkökdən istifadə edin. Hər gün bir kasa qaymaqsız qatıq yeyin.
İsti toyuq şorbası için. Şorbanın istiliyi burun və boğaz şikayətlərini azaldır.
4. Stress və çox yorğunluq immuniteti zəiflədir. Yorğun bədən immunitet sisteminin zəifliyi və xəstələnmə riskinin artması anlamına gəlir.
5. 7-8 saatdan az olmayaraq yatın. Yuxusuzluq immuniteti zəiflədir, orqanizmin virus və mikroblara olan davamlılığını azaldır.
6. Şəfalı otlardan faydalanın. Bitki tərkibli tövsiyələr immuniteti gücləndirmək və qorunmaq üçün həmişə dəstək olur. Bir çox bitkilər güclü virus əleyhinədir və immuniteti gücləndirir. Gündə iki dəfə 1-2 çay qaşığı (2-7 yaşındakı uşaqlar üçün bu miqdarın ¼ və 8-12 yaşındakı uşaqlar üçün bu miqdarın ½ hissəsi) ekineziya çayı için. Hamilələr və süd verən analar da içə bilər.
7. Hər gün kifayət qədər təmiz su için.
8. Hərəkətli olun.
9. Qrip və soyuqdəymə zamanı antibiotiklərdən istifadə olunmur.
10. Qrip əleyhinə peyvənd qripdən həqiqətən qoruyur. Unutmayın, peyvənd olunduqdan 10-14 gün sonra immunitet qazanılır. Artıq qripə yoluxmusunuzsa, ya da peyvənd olunduqdan sonrakı 2 həftəlik dövrdə qripə yoluxsanız, peyvəndin təsiri qalmaya bilər.Saglamolun.az
Xəbərdən istifadə edərkən istinad etmək vacibdir.
