Azərbaycandakı stomatoloji klinikaların hamısında vəziyyət eyni deyil. Belə tibb müəssisələrinin bəzilərindəki antisanitariya şəraiti bu günün qorxulu xəstəliklərindən olan "Hepatit”lərə ə yol açır.
Hazırda Azərbaycanda olan stomatoloji klinikalara necə nəzarət olunur? Bu il ərzində cərimələnənlər olubmu?
Səhiyyə Nazirliyi Analitik Ekspertiza Mərkəzindən
Xeberle.com-a verilən məlumata görə, özəl tibb, o cümlədən stomatoloji fəaliyyətlə məşğul olan sahibkarlıq subyektlərinin lisenziyanın şərtlərinə riayət etməsinə nəzarət müvafiq sahəni tənzimləyən Azərbaycan Respublikasının qanunları ilə müəyyən olunmuş qaydada həyata keçirilir:
"Lisenziyanın şərtlərinə riayət olunmasına nəzarət çərçivəsində səyyar yoxlamalar "Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” və "Sahibkarlıq sahəsində aparılan yoxlamaların dayandırılması haqqında” Azərbaycan Respublikasının qanunlarına uyğun olaraq aparılır.
Lisenziya olmadan qanunsuz özəl tibb fəaliyyəti ilə məşğul olduqlarına görə Səhiyyə Nazirliyi tərəfindən son 3 il ərzində 100-dən artıq hüquqi və fiziki şəxs inzibati məsuliyyətə cəlb edilib və inzibati tənbeh növü kimi barələrində cərimə qərarları çıxarılıb”.
Bəs ev şəraitində qanunsuz fəaliyyət göstərən stomatoloji klinikalarla bağlı hansı tədbirlər görülüb?
Analitik Ekspertiza Mərkəzindən verilən məlumata görə, bu cür fəaliyyət göstərən şəxslərin aşkar edilməsi və barələrində müvafiq inzibati tədbirlərin həyata keçirilməsiVergilər Nazirliyinin səlahiyyyətinə aiddir:
"Azərbaycan Respublikasının Vergilər Məcəlləsinin 50.1.6-ci maddəsinəuyğun olaraq lisenziya tələb olunan fəaliyyət növləri var. Ev şəraitində tibb fəaliyyətinin göstərilməsi üçünrazılıq, yəni lisenziya olmadan məşğul olan şəxslərin aşkar edilməsi və barələrində müvafiq inzibati tədbirlərin həyata keçirilməsi məqsədilə belə faktların sənədləşdirilməsi və müvafiq icra hakimiyyəti orqanına göndərilməsiAzərbaycan Respublikasının Vergilər Nazirliyinin səlahiyyyətinə aiddir”.
Xəbərdən istifadə edərkən istinad etmək vacibdir.
