Bildiyiniz kimi yay-qış bilmədən azərbaycanlıların ən çox istifadə etdiyi içki çaydır. Bəzi təsəvvürlərə görə istidə belə çay içmək susuzluğumuzu yatırır. Lakin türkiyəli profesorlar isti havalarda çay içməyi tövsiyə etmir. Həkimlər bunu əsasən isti havalarda içilən çayın susuzluğu yatırmaq əvəzinə bədəndəki mayelərin azalmasına və damarlarda sıxılmasına gətirib çıxarması ilə əsaslandırır. Nəticə etibari ilə bu proseslər günvurmanı sürətləndirə bilər. Buna görə də həkimlər bu cür kəskin istilər zamanı əsasən sərin içkilər içməyi tövsiyyə edir. Bədənimizin su və duz itirməsinə nəzərə alsaq az duzlu ayran və ya meyvə şirəsinin orqanizmimizə çox faydalı olacağı bildirilir. Əlavə olaraq yay meyvələrindən istifadə etmək, günvurmanın qarşısını almaqda kömək ola bilər.

Həkimlər kəskin istilər zamanı çay, qəhvə və spirtli içkilərdən uzaq durmağı tövsiyyə edir.