Sumqayıtda 2017-ci ilin 6 ayı üçün vərəm xəstəlikləri ilə bağlı müraciət edənlərin statistikası məlum olub.

 Sumqayıt şəhər Vərəm Əleyhinə Xəstəxanasının baş həkimi Asif Quliyevin Xeberle.com-a verdiyi məlumata görə bu müddət ərzində 47 nəfərdə vərəm xəstəliyi aşkar olunub. Ötən il isə bu rəqəm 58 nəfər təşkil edirdi. 6 ay müddətində xəstəliklə bağlı ölüm göstəricisi 8 nəfər, ötən il isə vərəmdən dünyasını dəyişənlərin sayı 6 nəfər olub. Bu il vərəm xəstələrinin 85 faizində sağalma müşahidə olunub. Baş həkim bildirib ki, son zamanlar Səhiyyə Nazirliyinin göstərişi ilə vərəm xəstələrinin müalicəsi üçün xüsusi dövlət proqramları həyata keçirilir. Onun sözlərinə görə, Vərəm Əleyhinə Xəstəxana lazımi avadanlıqlarla təmin olunub və xəstələr üçün hər cür şərait yaradılıb.

 Qeyd edək ki, Xəstəxanaya müraciət edənlərin demək olar ki, hamısı yaşlı xəstələrdir, vərəm xəstəliyi aşkarlanan yeniyetmələr isə bu yarım ildə 1 nəfər, ötən ildə də bir o qədər olmaqla qeydə alınıb.