Sumqayıt şəhər 1 nömrəli Doğum
evində müalicə olunan xəstələr tərəfindən redaksiyamıza şikayət məktubu
ünvanlanıb. Şikayətdə bildirilir ki, ötən gecə xəstəxanada işıqlar sönüb,
generatorda problem olduğuna görə 1 saata yaxın müəssisədə elektrik enerjisi olmayıb: "Xüsusilə də, yeni doğulmuş uşaqların həyatı
üçün təhlükə yarada biləcək bu hal xəstəxananın pasiyentlərini çox narahat
edib.”
Pasiyentlər həmçinin
bildiriblər ki, xəstəxanada dərmanlar
çatışmır: "Hər bir xəstəyə tapşırılıb ki, dərmanları özünüz alın.”
Doğum Evinin baş həkimi Təranə
Rəcəbli
Xeberle.com-a açıqlamasında
bildirib ki, pasiyentlərin şikayəti əsassızdır
və həqiqətə uyğun deyil: "Doğum evində işıqlar sönməyib. Pasiyentlər
xəstəxanada olan bütün dərmanlarla təmin olunur. Amma elə dərmanlar var ki, xəstəxanamızda
olmadığına görə, biz onların alınmasını pasiyentlərə tapşırırıq.
Maraqlıdır
ki, Doğum evinin baş həkimi
işığın sönmədiyini bildirsə də, "Azərişıq” ASC-nin Şimal regional təchizatı
və satışı idarəsinin paylayıcı şəbəkə sahəsinin baş mühəndisi Arzuman İsmayılov
Xeberle.com-a açıqlamasında bunun əksini deyir: "Gecə saatlarında 01:20-də sözügedən xəstəxanada işıqların
sönməsiylə bağlı məlumat daxul olub. Əməkdaşlarımız
20 dəqiqə ərzində xəstəxanaya verilən elektrik enerjisinin verilişini
bərpa ediblər. Saat 01:40-da problem
aradan qaldırılıb.”
Elnarə Salamova
Xeberle.com
Xəbərdən istifadə edərkən istinad etmək vacibdir.
