Xeberle.com Sumqayıtda mütəmadi olaraq müxtəlif sorğular keçirir. Bu dəfəki virtual sorğumuz isə özəl səhiyyə-tibb şirkətləri ilə bağlı olub. Respondentlərə "Sumqayıtda hansı özəl tibb klinikasına daha çox etibar edirsiniz?" sualı ilə müraciət edilib. Noyabrın 25-dən start verilən sorğu isə dekabrın 10-da yekunlaşıb.

Virtual sorğuda ümumi olaraq 7607 respondent iştirak edib. Nəticələrə görə respondentlərin daha çox etibar etdiyi tibb müəssisəsi"Doktoraz" klinikasıolub. Belə ki, sorğuda iştirak edənlərin 3057 nəfəri, yəni 40,19 faizi sözügedən klinikaya daha çox etibar edir.

"Doktoraz” klinikasının təsisçisi və direktoru Cəmaləddin Kalbalıyev saytımıza açıqlamasında qalibiyyətə sevindiyini və onları qalib edən insanlara öz təşəkkürünü bildirib.

Klinikamız artıq 6 ildir ki, fəaliyyət göstərir

C. Kalbalıyev qeyd edib ki, bu il dekabr 5-də "Doktoraz” klinikasının fəaliyyətə başlamasından 6 il ötdü: "Klinikanın sahibi kimi deyim ki, hər zaman klinikaya ciddi nəzarət edirəm. Xəstələr bizə müraciət edəndə biz özümü onların yerində düşünürük. Yüksək keyfiyyət, gülərüz personal, savadlı həkimlərlə çalışmaq onların haqqıdır. Və biz hər zaman xalqımızın mənafeyinə, sağlamlığının keşiyində durmaq üçün hər şeyi etmişik.

Amerikada müalicəsini tapa bilməyənlər bizdə şəfa tapırlar...

Direktor deyir ki, klinikada yüksək keyfiyyətli ultrasəs müayinə, Laboratoriya, Kardioloji müayinələr, Endoskopiya, LOR, Oftalmologiya, Fizioterapiya, Ozonoterapiya, Kosmetologiya, Ginekologiya, Pediatriya, Portativ rentgen aparatı, Portativ USM aparatı, Endokrinologiya var: "Çoxfunksiyalı müasir LOR kombayn bütün qulaq-burun-boğaz xəstəliklərin müayinə və müalicəsində əvəzsizdir. Endoskopiyada mədə-bağırsaq xəstəliklərinin Fujinon aparatı ilə endoskopik müayinə və müalicəsi mövcuddur. Oftalmologiyada Aftorefraktometr, B-Skan, Qapaq masajı, yaş kanalın yuyulması, gözdən yad cismin çıxarılması, gözdə olan infeksiyalar, eynəklərin yazılması və d., Ultrasəs müayinəsində bütün orqanların dopplerlə müayinəsi, ekstraksional doppleroqrafiya, hamiləlik dopleri və d., Laboratoriyada koaquloqramma, kliniki biokimya, İFA, Hormonların və d. müayinə və müalicələri aparırıq.

O qədər insanlar olub ki, Amerika, Ukrayna və digər ölkələrə gedərək müalicəsini tapa bilməyib, bizə müraciət ediblər. Biz isə onla şəfa bəxş etmişik.

Bizdə olan cihazların çoxu Sumqayıtda yoxdur, Bakıda isə çox az yerdə var

Klinika rəhbəri həmçinin bildirib ki, istifadə etdikləri cihazlar Amerika standartlarına uyğun cihazlardır: "Onlar dəqiq və keyfiyyətlidir. Bizdə olan əksər cihazlardan Sumqayıtda yoxdur, Bakıda isə çox az yerdə var. Bunlardan başqa biz klinikamıza ancaq savadlı həkimləri cəlb etmişik. Onlardan həkim -kardioloq Səadət Məmmədova, Amaliya Kərimli, həkim -terapevt Musa Babakişiyev, həkim- ginekoloq Lətifə İbrahimova, həkim-kosmetoloq Esmira Babayeva, Nazxanım İmanlı, həkim -pediatr Xasay Bayramov, LOR həkimi İlham Ağayev və b. mütəxəssislərimiz var.

Bunu da qeyd edim ki, mən sizin saytınızın izləyicisiyəm, keçirdiyiniz sorğuda bura gələn, gəlməyən, tanıyan, tanımayan insanların fikirləri bizə maraqlı idi. Mən sevinirəm ki, bizə etibar edən insanlar var, onlara təşəkkür edirəm. Çox sağ olsunlar ki, bizi qalib edərək, Sumqayıtda fəaliyyət göstərən klinikalar arasında 1-ci etdilər. Və istəyim budur ki, o insanların güvənini həmişə qoruyub saxlayaraq, onlara sağlam yaşamaqda kömək edə bilək.”

Xeberle.com