Xeberle.com olaraq Sumqayıtda ötən il dəri-zöhrəvi xəstəliklərə tutulan pasiyentlərin sayı ilə bağlı yazı hazırlamaq niyyətində idik. Bunun üçün Azərbaycan Respublikasının Səhiyyə Nazirliyi ilə əlaqə saxladıq və onlar bizi Sumqayıt şəhər Səhiyyə Şöbəsinə yönləndirdilər. Sual yarana bilər ki, niyə Sumqayıt barədə statistikanı birbaşa oranın səhiyyə şöbəsindən deyil, Səhiyyə Nazirliyindən soruşursunuz?! Dəfələrlə sözügedən quruma zəng edib məlumat əldə etmək istəsək də, heç vaxt buna nail ola bilməmişik. Ümumiyyətlə bizə məlumat əldə etmək üçün ya nazirlikdən icazə almalı olduğumuzu bildirirdilər, ya da ki, məlumat verməkdən boyun qaçırırdılar. Bu dəfə isə bizi Sumqayıt şəhər Səhiyyə Şöbəsinə yönləndirən məhz nazirliyin mətbuat xidməti olsa da, yenə də məcazi mənada desək "yola verildik". Bizim üçün ən maraqlı sual isə budur ki, görəsən Sumqayıt şəhər Səhiyyə Şöbəsi nəyə görə açıqlama verməkdən boyun qaçırır?! Belə yerdə Ernesto Çe Gevara (Ernesto Che Guevara) çox gözəl deyib :"Gizləyəcək bir şeyiniz yoxdursa, qorxacaq bir şeyiniz də olmamalıdır".
Elnarə Salamova
Xeberle.com
Xəbərdən istifadə edərkən istinad etmək vacibdir.
