Sumqayıtda yerləşən Qara
İlyasov adına Qubadlı şəhər 1 saylı tam orta məktəbdə Qida Təhlükəsizliyi
Agentliyinin Sumqayıt regional bölməsi tərəfindən "Sağlam məktəbli"
layihəsi çərçivəsində məktəblilərlə maarifləndirici görüş keçirilib.
Xeberle.com-unməlumatına görə, tədbirdə şagirdlərə layihə haqqında ətraflı məlumat verilib,
onlara "Qida zəncirinin mərhələləri”, "Qida məhsullarında etiket məlumatlarının
vacibliyi” mövzularında videoçarxlar təqdim edilib.
Sonra agentliyin
mütəxəssisləri tərəfindən məktəblilərə qida təhlükəsizliyinə dair ilkin vərdişlər,
qablaşdırma məhsullarının qidaya təsiri, energetik içkilərin insan orqanizminə
zərərləri, süd və süd məhsullarının faydaları barədə ətraflı məlumat verilib.
Görüş zamanı
məktəblilərlə müzakirələr aparılıb və onları
maraqlandıran suallar cavablandırılıb.
Xəbərdən istifadə edərkən istinad etmək vacibdir.
