Hər il milyonlarla müsəlman bildiyimiz kimi sübh tezdən gün batana qədər Ramazan ayında 30 gün ərzində oruc tutur.Son illərdə Şimal Yarımkürəsində bu isti aylara təsadüf edir.
Azərbaycanda Ramazan ayının ilk günü may ayının 6-na təsadüf edir.
Ramazan ayında oruc tutan müsəlmanların düzgün qidalanması onların sağlamlığı üçün vacib şərtlərdən biridir.
Tibb üzrə fəlsəfə doktoru Şəmsiyyə Namazlı açıqlamasında bildirib ki, orucluq vaxtı insanlar imsak üçün səhər çox erkən oyanırlar.
"Bəzən əksər insanlar səhər olduqca ağır yeməklərdən istifadə edirlər, süfrələri yağlı və duzlu,qızardılmış, zülal tərkibli qidalarla bol olur.İnsanlar bəzən düşünürlər ki, zülal tərkibli qidalardan istifadə etsələr gün boyu onlara lazım olan enerjini həmin qidalardan alacaq.Amma əksinə, bu zaman qaraciyəri yükləmiş olurlar.
İnsanların çoxunda qaraciyər piylənməsinə,öd kisəsinin divarlarında qalınlaşmaya rast gəlirik. İmsaq zamanı insanlar daha çox yumurta, xama hətta bəzən ət və ət məhsullarından istifadə edib yenidən yuxularına davam edirlər. Bu baxımdan onsuz da qaraciyərində problem olan insanlar bir az da zülal tərkibli qidadan istifadə edərək onu daha da yükləmiş olurlar.Və yaxud bağırsaqlarında qəbzlik olan insanlarda bu növ qidaların istifadəsi bir az da qəbzliyi artırmış olur.Və ya bayaq qeyd etdiyim kimi ödündə qatılaşma problemi olan insanlarda zülal tərkibli qidaların istifadəsi yağları parçalayır. Təbii ki, qatılaşma olduğuna görə də bu növ qidaların zənginliyi öd turşularının fəaliyyətini ləngidir. Artıq öd kisəsinin bu növ qidaları parçalamağa gücü çatmır. İftar zamanı isə insanlar maye qəbul etdikdən sonra 30 dəqiqə gözləməli, daha sonra isə mütləq az da olsa quru yeməklərdən istifadə olunmalıdır.Və artıq tədricən qidaların çeşidi artırıla bilər.Və dediyim kimi səhər imsak zamanı onsuz da mədə və qaraciyər yüklənir,eyni ilə bu iftar zamanı da baş verir. Buna görə də yaxşı olar ki, iftardan sonra insanlar piyada gəzintiyə çıxsınlar”.
Bundan əlavə Şəmsiyə Namazlı şəkər xəstəliyindən əziyyət çəkən insanların oruc tutmasının düzgün olmadığını qeyd edib.
O bildirib ki, zob xəstəliyi olan və təzyiq problemi yaşayan insanların oruc tutmaması məsləhət deyil.
"Bu xəstəlik növlərindən əziyyət çəkən insanların hər gün istifadə etdiyi dərman vasitələrinə ara verməsi onların orqanizminə zərərdir”-deyə o qeyd edib.
Xəbərdən istifadə edərkən istinad etmək vacibdir.
