"Sumqayıtda 11 min şəkərli diabet xəstəsi qeydiyyatdadır"
Bu barədə Xeberle.com-a eksklüziv açıqlamasında Sumqayıt şəhər Səhiyyə Şöbəsinin müdir əvəzi Səkinə Sadıxova məlumat verib. S. Sadıxova bildirib ki, onların hər biri təyinat üzrə dərman preparatları və özünənəzarət vasitələri - qlükometrlər və test sistemləri ilə pulsuz olaraq təmin olunur.
Sumqayıt şəhərində rəsmi statistikaya əsasən 343 min əhali yaşayır. Belə qənaətə gəlmək olar ki, şəhərdə hər 31 nəfərdən biri şəkərli diabet xəstəsidir.
Qeyd edək ki, 2007-ci ildən etibarən hər il noyabrın 14-ü BMT-nin Ümumdünya Diabet Günü kimi hesab olunur. Ümumdünya Diabet Gününün emblemi olan mavi dairə şəkərli diabet ətrafında hamının birləşməsini simvolizə edir.
Dünya üzrə hər 10 saniyədə 2 nəfərə şəkərli diabet diaqnozu qoyulur, 1 nəfər isə bu xəstəlikdən dünyasını dəyişir.
Bütün dünyada olduğu kimi, Azərbaycanda da düzgün qidalanmama, qeyri-sağlam həyat tərzi artıq çəkinin artmasına səbəb olur, bu da bilavasitə şəkərli diabetin yaranmasına təkan verir.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
