Sumqayıt şəhər İcra Hakimiyyətinin mətbuat katibi Eyvaz Qocayev Xeberle.com-unsorğusuna cavab olaraq bildirib ki, qurumun bəzi əməkdaşları əhali ilə sıx təmasda olan sahələrdə çalışsalar da indiyədək heç bir işçi arasında yoluxma faktı aşkarlanmayıb.

Sumqayıt Dövlət Yol Polisi Şöbəsinin rəisi Şamxal Əliyev açıqlamasında bildirib ki, gündə minlərlə insanla təmasda olan polislərin bu virusa yoluxmaları qaçılmazdır: "Lakin bu günədək heç bir əməkdaşımız da müayinə zamanı infeksiya aşkar edilməyib”.

Sumqayıt Avtomobil Nəqliyyatı ilə Sərnişindaşıma İdarəsinin rəisi Tofiq Saydumov sorğuya cavab olaraq bildirib ki, qurumun tabeliyində 400-dən çox sürücü fəaliyyət göstərir və onlar ictimai nəqliyyat vasitələrində hər gün əhali ilə sıx təmasdadırlar: "Heç bir əməkdaşımızda virusa yoluxma faktı aşkarlanmayıb”.

Sumqayıt Gigiyena və Epidomologiya Mərkəzinin direktoru Rafiq Abdullayev də bildirib ki, qurumun əməkdaşları arasında koronavirus (COVID-19) infeksiyasına yoluxma faktı qeydə alınmayıb.

Sumqayıt şəhər Səhiyyə Şöbəsinin müdiri Səkinə Sadıxovaya isə ünvanladığmız sual cavabsız qaldı.

Xədicə Səxavətqızı