Hindistanda yeni tip koronavirus peyvəndinin kliniki sınaqlarına başlanıb.
Xeberle.com xəbər verir ki, bu barədə "Clinicaltrialsarena.com" məlumat yayıb.
Xəbərə görə, "Zydus Cadila" dərman şirkətinin hazırladığı "ZyCoV-D" adlı peyvəndin ilk nümunələri könüllülərə tətbiq edilib. Birdən çox mərkəzdə aparılan sınağa mindən çox könüllü qatılıb.
Şirkətin Əhmədabad şəhərindəki peyvənd texnologiyası mərkəzində hazırlanan potensial COVID-19 peyvəndi heyvanlar üzərində aparılan sınaqlarda güclü immun sistemi reaksiyası oyandırmağı bacarır.
Qeyd edək ki, Hindistan Ümumi Əczaçılıq Müayinəsi 3 iyulda insanlar üzərində test keçirilməsinə icazə vermişdi.
Xəbərdən istifadə edərkən istinad etmək vacibdir.
