Xeberle.com-un məlumatına görə, 1 nömrəli Sumqayıt şəhər xəstəxanasının ümumi cərrahı Şaiq Əliyev koronavirusdan vəfat edib. O, koronavirusun Azərbaycanda yayıldığı ilk gündən könüllü olaraq reanimasiya şöbəsində çalışıb.55 yaşlı həkim Şaiq Əliyev bir müddət öncə COVİD-19 infeksiyasına yoluxub. Sumqayıtda müalicə olunan Ş. Əliyev daha sonra vəziyyəti ağırlaşdığından Bakıda xəstəxanalardan birinə yerləşdirilib. Aparılan müalicə tədbirlərinə baxmayaraq bu gün dünyasını dəyişib.

Qeyd edək ki, bununla da Sumqayıtın koronavirus səbəbindən itirdiyi tibb işçilərinin sayı 7-yə çatıb.

Xədicə Səxavətqızı