"Qrip əleyhinə vaksinasiya COVID-19” üçün rol oynaya bilməz”.
Xeberle.com-un verdiyi xəbərə görə, bunu TƏBİB sədri Ramin Bayramlı deyib.
O, vaksinlərin "COVID-19”a necə təsir edəcəyini nəzəri olaraq izah edib: "Vaksinlər öldürülmüş və ya zəiflədilmiş mikroorqanizmlər və yaxud da onların ifraz etdiyi bəzi antigen maddələrdir. İnsan orqanizminin mikroorqanizmlərə qarşı cavab verən immun sistemi var. İmmun sistem vaksinləri antigen kimi qəbul edir. Antigen insan orqanizminə yad olduğu üçün belə adlandırılır. Ona qarşı anticisim adlandırdığımız zülallar sintez edir. Antigenlərə qarşı orqanimzdə anticisimlər hazırlanır. Vaksinasiya prosesinin əsas prinsipi müəyyən infeksion törədiciyə qarşı immun cavabın yaranmasıdır. Qrip əleyhinə vaksinasiya "COVID-19” üçün rol oynaya bilməz. Hepatit əleyhinə peyvənd qripə təsir edə bilmir”.
Xəbərdən istifadə edərkən istinad etmək vacibdir.
