Sumqayıt Təhsil Şöbəsindən Xeberle.com-a verilən məlumata görə, 50 yaşdan yuxarı olan 2295 müəllim və texniki işçi vaksinasiyadan keçəcək. Onlardan bu günədək 1267 nəfər peyvənd olunub. Bununla yanaşı, 233 nəfər digər xəstəlikləri olduğundan, 319 nəfər isə koronavirusa yoluxma səbəbindən vaksinasiyadan keçməyib. Vaksinasiya prosesi hazırda davam edir.

Qeyd edək ki, Azərbaycanda vaksinasiya prosesinə yanvarın 18-dən start verilib. İlk olaraq tibb işçiləri, daha sonra isə risk qrupuna daxil olan digər şəxslər və yaşı 50-dən yuxarı olanlar cəlb olunub.

Xədicə Səxavətqızı

Xeberle.com