Sumqayıtda peyvənd olunanların sayı açıqlanıb.
Xeberle.com xəbər verir ki, Sumqayıtda 437 min vaksinasiya işi aparılıb.
Bu barədə yerli televiziyaya açıqlamasında Sumqayıt Tibb Mərkəzinin direktoru Səkinə Sadıxova bildirib. S. Sadıxova qeyd edib ki, hər iki doza vaksin olunanların sayı 217 min nəfər təşkil edir: "Sumqayıtda 25 min nəfər isə buster doza (üçüncü doza) vaksin olunub. Yanvar ayından başlayaraq 4000 tibb işçisi hər iki doza vaksin alıb. Artıq 3000 tibb işçisi isə üçüncü doza vaksini qəbul edib".
Direktor vurğulayıb ki, 2 aydır ki, Sumqayıtda pandemiya xəstəxanası fəaliyyətini dayandırıb: "Gün ərzində 3-4 xəstənin xəstəxanaya ehtiyacı olur ki, bunu da biz Bakı şəhərinə göndəririk. Kütləvi şəkildə vaksinasiyadan sonra yoluxma sayı, ağırlaşmalar və ölüm halları xeyli azalıb".
S. Sadıxova şəhər əhalisini üçüncü doza vaksin olunmağa da çağırıb.
Xəbərdən istifadə edərkən istinad etmək vacibdir.
