TƏBİB-in Tibbi fəaliyyətin təşkili departamentinin rəhbəri Teymur Mirzəbəyli, İxtisaslaşdırılmış tibbi yardım xidmətinin təşkili şöbəsinin müdiri Kəmalə Ağayeva və Multidisiplinar tibbi xidmətin təşkili şöbəsinin məsləhətçisi Ceyran Abdullayeva "Sumqayıt Tibb Mərkəzi” publik hüquqi şəxsi tabeliyində olan Sumqayıt 1 saylı Şəhər Xəstəxanası, Sumqayıt Perinatal Mərkəz, Sumqayıt Şəhər Uşaq Xəstəxanası, Sumqayıt Təcili Tibbi Yardım Xəstəxanalarında olub.
Xeberle.com xəbər verir ki, görüş zamanı tibb müəssisələrinin rəhbərliyi, müvafiq şöbə müdirləri, məsul tibb işçiləri ilə birlikdə müxtəlif profilli şöbə və bölmələrə ümumi baxış keçirilib. Tibb müəssisələrinin rəhbərləri və personalı tərəfindən ünvanlanan suallara aydınlıq gətirilib, irəli sürülən təkliflər dinlənilib.
Məlumat üçün qeyd edək ki, xəstəxanalarda tibbi xidmətin keyfiyyətinin yaxşılaşdırılması, vətəndaş məmnunluğunun artırılması istiqamətində müvafiq departamentin iştirakı ilə mütəmadi olaraq görüşlər keçirilir, həyata keçirilən işlərlə yaxından tanış olunur, eyni zamanda tibb müəssisə rəhbərlərinə və şöbə müdirlərinə zəruri tapşırıqlar verilir.
Xəbərdən istifadə edərkən istinad etmək vacibdir.
