"Bu gün İran mollalarının Güney Azərbaycandakı soydaşlarımıza yaşatdığı əziyyət ermənilərin Xocalıda törətdikləri faciədən nə ilə fərqlənir?” sualına ancaq bir cavab var: Heç nə ilə! Eyni şərəfsizlik, eyni alçaqlıq, eyni allahsızlıq! "
Xeberle.com xəbər verir ki, bu sözləri Milli Məclisin deputatı Müşfiq Məmmədli sosial şəbəkə hesabında paylaşımında bildirib: "Kürkünə birə düşən İran mollaları, nə vaxtadək "Allah”, "İslam”, "Din” pərdəsi altında şərəfsizcə insanlara zülm edə biləcəyinizi, terror dəstələri yaradaraq alçaqlıq edəcəyinizi zənn edirdiz? Azərbaycan səfirliyinə düzənlədiyiniz terrorla bizi qorxutmağa çalışdınız, amma Azərbaycan oğullarının yalın əllə belə bütün şərəfsizlərin öhdəsindən gəldiyini unutdunuzmu? 20 yanvarda tank qarşısına silahsız çıxaraq Azadlığını qanla alan oğulları var bu millətin, Şuşanın yalın qayalarına dırmanaraq düşmənə qan udduran igidləri var! Sizlər, molla cübbəsi altında gizlənən qorxaqlar, iki yüz ildir işğal altında saxlamağa çalışdığınız Azərbaycan türklərinin zaman-zaman azadlıq üsyanını yatıraraq, onların ürəklərində olan Azadlıq sevdasını öldürdüyünüzümü sandınız? Bu mümkünmü sizcə? Nə qədər çabalasanız da, yenə də Bəzz qalasında Babəkin, Azərbaycanın qədim şəhəri Təbrizdə Şah İsmayıl Xətainin ruhu dolaşır, hər şəhərdə, hər küçədə, hər evdə Şəhriyarın "Heydərbaya salam”ı eşidilir! Bakının ürəyi Təbrizlə döyünür bu gün! Az qalıb, çox az qalıb, öz nifrətinizdə özünüz boğulacaqsınız!"
Xəbərdən istifadə edərkən istinad etmək vacibdir.
