Ötən gün İranın Astara limanından çıxdıqdan sonra saya oturan Azərbaycan gəmisi bu gün sayadan çıxarılıb və az öncə Bakının Hövsan limanı istiqamətində yola düşüb.
Xeberle.com məlumat verir ki, bunu İranın Astara limanı idarəsinin müdiri Rza Neməti deyib.
Onun sözlərinə görə, 2,5 min tonluq gəminin yükü neft-kimya maddələri olub.
Liman rəsmisi bildirib ki, ötən sutka ərzində gəminin sayadan çıxarılmasına iki gəmi cəlb edilib.
Gəminin saya oturmasının səbəbi hava şəraitinin qeyri-münasibliyi olub.
Xəbərdən istifadə edərkən istinad etmək vacibdir.
