"Hesab edirəm ki, növbədənkənar seçkilərdə ən favorit və uğurlu namizəd şübhəsiz ki, Azərbaycan Prezidenti cənab İlham Əliyevdir. Hələ ki, onun ciddi rəqibi yoxdur”.
Bu sözləri Xeberle.com-a açıqlamasında Beynəlxalq Münasibətlər və Diplomatiya Araşdırmaları Mərkəzinin (BMDAM) sədri, politoloq Samir Hümbətov deyib. O qeyd edib ki, İlham Əliyevin prezidentlik səlahiyyətlərini icra etdiyi dövrdə Azərbaycanın beynəlxalq arenada artan nüfuzu daha da möhkəmlənib:
"Artıq beş namizədən adı açıqlanıb. Nəzərə almaq lazımdır ki, Azərbaycan Prezidenti 20 ildir ki, prezidentlik səlahiyyətlərini icra edir. Bu səlahiyyətlər çərçivəsində Azərbaycan Prezidenti həmin dövr ərzində həm Azərbaycanın 30 illik işğal olunmuş ərazilərini yenidən geri qaytardı, həm də Azərbaycanın beynəlxalq arenada artan nüfuzunu daha da möhkəmlətdi. Bu gün Azərbaycan artıq dünyanın ən tanınmış və seçilən ölkələrindən biridir. Hesab edirəm ki, bu faktorların hər birini ümumilikdə götürdükdə seçkiyə təsir edən amillərdir. İndiki vəziyyətdə bəllidir ki, qalib kim olacaq. Düşünürəm ki, bu seçkinin hazırki favoriti Prezident İlham Əliyevdir”.
Elşən Yəhyayev
Xəbərdən istifadə edərkən istinad etmək vacibdir.
