Gürcüstanın Avropa Şurası Parlament Assambleyasındakı (AŞPA) nümayəndə heyətinin rəhbəri Givi Mikanadze AŞPA sədri Teodoros Rusopulosa məktub ünvanlayıb.
Xəbərlə.com məlumat verir ki, bu barədə xarici KİV məlumat yayıb.
Sədr məktubda AŞPA-nı Azərbaycan nümayəndə heyətinin səlahiyyətlərindən məhrum edilməsi ilə bağlı qətnaməyə yenidən baxmağa çağırıb.
Mikanazde qeyd edib ki, belə sərt qərarlar AŞPA-nın Azərbaycanla və ümumiyyətlə, Cənubi Qafqazla gələcək münasibətləri üçün mümkün mənfi nəticələr müzakirə edilmədən qəbul edilir.
Məktubun sonunda o, bu qətnamənin ləğvinin Avropa Şurasının maraqlarına xidmət edəcəyinə əminliyini ifadə edib.
Bundan əvvəl Serbiya, Türkiyə və Türk Dövlətləri Parlament Assambleyası tərəfindən də oxşar məktublar göndərilib.
Xəbərdən istifadə edərkən istinad etmək vacibdir.
