Şuşada Yeni Azərbaycan Partiyasının təşkilatçılığı ilə "Türk Dövlətləri Təşkilatı: geosiyasi reallıqlar və qlobal kataklizmlər fonunda yeni strateji hədəflərə doğru” mövzusunda beynəlxalq konfrans keçirilir.
Xeberle.com xəbər verir ki, beynəlxalq konfransda Türk Dövlətləri Təşkilatına üzv və müşahidəçi ölkələrin hakim partiya rəhbərləri də daxil olmaqla, 300-dək qonaqla birlikdə iştirak edirik.
Azərbaycan Prezidenti cənab İlham Əliyev beynəlxalq konfransın iştirakçılarına müraciət ünvanlayıb.
Məktubu Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyev oxuyub.
Beynəlxalq konfrans çərçivəsində "Türk Dövlətləri Təşkilatı: qlobal təhlükəsizliyə regional töhfə”, "Ortaq dəyərlərlə müasirliyin vəhdəti: partiya diplomatiyası yeni dialoq platforması kimi” və "Türk Dünyası-2040: gələcəyə konseptual baxış” mövzularında üç plenar sessiya təşkil ediləcək.
Qeyd edək ki, tədbirdə deputat Müşfiq Məmmədli və YAP-ın Sumqayıt şəhər təşkilatının sədri Ramiz Hüseynov da iştirak edir.
Xəbərdən istifadə edərkən istinad etmək vacibdir.
