"Təchizat zəncirinin sarsıntılarını aradan qaldırmaq üçün biz "Sülh yollarının kəsişməsi” layihəsi ilə bağlı təklifimizi masaya qoyduq, ümid edirəm ki, bu layihə ilə tanışsınız".
Xeberle.com məlumat verir ki, bu barədə Ermənistanın baş naziri Nikol Paşinyan Dünya İqtisadi Forumu çərçivəsində təşkil olunan panel müzakirəsində çıxışı zamanı deyib.
"Bu, regional nəqliyyat kommunikasiyamızı daha səmərəli etməkdən, təkcə Azərbaycanla deyil, Türkiyə ilə də yeni nəqliyyat kommunikasiyaları yaratmaqdan, İran və Gürcüstanla əməkdaşlığımızı dərinləşdirməkdən ibarətdir.
Layihə həm də Aİ-yə aiddir, çünki bu plan reallaşarsa, bizim Ermənistan vasitəsilə Avropa İttifaqı üçün yeni marşrutlarımız olacaq. Bu, təkcə iqtisadiyyatın problemi deyil, həm də çox vacib təhlükəsizlik amilidir. Çünki siz bayaq ümumi sabitlik və təhlükəsizlik üçün çox vacib amil kimi qarşılıqlı asılılığı qeyd etdiniz.
Amma təbii ki, biz Azərbaycanla sabit sülh yarada bilsək, bu layihə işləyəcək, təəssüf ki, indi belə deyil", - deyə Paşinyan qeyd edib
Xəbərdən istifadə edərkən istinad etmək vacibdir.
