"İnsan həyatı çox dəyərlidir. Ona görə də biz Qarabağ məsələsində danışıqlar yolunu seçməliyik".
Bunu Rusiya Dumasının millət vəkili Leonid Slutski Mirşahin Ağayevin "Rusiya Ukraynaya daxil oldu və Krımı əldə etdi, amma məsələ Azərbaycana gələndə nədənsə bizə kimlərinsə vasitəsi ilə danışıqlar aparmağı məsləhət görürlər. Bəs Azərbaycan öz Dağlıq Qarabağını bu yolla geri qaytara bilməz?" sualına cavabında söyləyib.
Deputat qeyd edib ki, Rusiya bu problemin həllində iştirak etməlidir: "Rusiya buna borcludur. Azərbaycan və Rusiya prezidentləri Birinci Avropa Oyunlarında onsuzda görüşəcəklər". 
Deputat I Avropa Oyunlarının Azərbaycanda keçirilməsinə də münasibət bildirib: "Bu Avropa Oyunlarının keçirilməsi Azərbaycanın dünyada nə qədər güclü imicinin olduğunu göstəricisidir", - deyə Leonid Slutski əlavə edib.  (anspress.com)