Rusiya prezidenti Vladimir Putinin "I Avropa Oyunlarını niyə Rusiya telekanalları yayımlamaq istəmir” iradından sonra yarışı yayımlayacaq kanalın adı bəlli olub. 
Bu haqda məlumatı "vestikavkaza” saytı yayıb.
Məlumata görə, "Rossiya” telekanalı "Bakı-2015”in Təşkilat Komitəsi ilə müqavilə bağlayıb. 
Rusiyalılar eyni zamanda I Avropa Oyunlarını "Rossiya-2”, "Sport”, "Sport 1” və "Boyçovski klub” telekanalları ilə də baxa biləcəklər. 
”Bakı-2015”in Əməliyyatlar üzrə bas direktoru Saymon Kleq bağlanan müqaviləyə görə razılığını bildirib. 
Xatırladaq ki, I Avropa Oyunları Azərbaycanda iyun ayının 12-dən 28-dək keçiriləcək. (AzNews.az)