Birinci Avropa Oyunlarında iştirak etmək üçün Bakıya gələn Ermənistan millisinin mətbuat katibi Karen Qiloyan Azərbaycan paytaxtında təhlükəsizliyin yüksək səviyyədə təşkil olunduğunu bəyan edib.
Qiloyan deyib ki, erməni nümayəndə heyəti Bakıya Qraç Rostomyanın rəhbərliyi ilə gəlib:
"Komandada 6 nəfərik. Mən oyunların sonuna qədər Bakıda qalacağam. Valideynlərimi və bizim idmançılarımızın qohumlarını əmin etmək istəyirəm ki, təhlükəsizliklə bağlı problem yoxdur. Bizimlə eyni binada tərkibində bir erməni olan İsveç millisi də yaşayır. Qonşuluqda Almaniya, Finlandiya, Portuqaliya, İsveçrə, Türkiyə və Macarıstan milliləridir. Hər şey yaxşıdır və narahatlığa heç bir əsas yoxdur”.
İyunun 11-də Ermənistanın yunan-roma güləşi üzrə idmançıları Roman Aroyan, Miqran Arutyunyan, Karapet Çalyan və Maksim Manukyan, eləcə də Ermənistan millisinin məşqçiləri Samvel Qevorqyan və Edik Saakyan Bakıya gəliblər. (Modern.az)
Xəbərdən istifadə edərkən istinad etmək vacibdir.
