ABŞ Gürcüstanda Rusiya sərhədlərinə yaxın ərazidə tibbi-bioloji laboratoriya yerləşdirib.
Bu barədə Rusiyada Xarici İşlər Nazirliyinin saytında yerləşdirilən xəbərdə deyilir.
Xəbərdə bildirilir ki, Tiflisin şəhərətrafında yerləşən Luqara adına Tədqiqat Mərkəzinin çətiri altında ABŞ-ın Quru Qoşunlarının tibbi tədqiqat bölməsi fəaliyyət göstərir. Laboratoriyanın ABŞ-dakı Uolter Rid adına elmi tədqiqat institutunun filialı olduğu deyilir.
"Amerika və Gürcüstan hakimiyyəti təhlükəli yoluxucu xəstəliklərin öyrənilməsi ilə məşğul olan tibbi-bioloji laboratoriyanın əsl məqsədinin gizlədilməsinə təşəbbüs edirlər. Pentaqon gizlədilən hərbi tibbi-bioloji obyektləri MDB-nin başqa dövlətlərində də qurmağa çalışır”, - Rusiya Xarici İşlər Nazirliyi qeyd edib.
Qeyd edək ki, ABŞ-ın Merilend ştatında yerləşən Uolter Rid adına elmi tədqiqat institutu 1953-cü ildə yaradılıb. İnstitut bioloji silah sahəsində işləyən ABŞ-ın əsas hərbi tədqiqat mərkəzlərindən biri hesab edilir. (publika.az)
Xəbərdən istifadə edərkən istinad etmək vacibdir.
