10 ildir ABŞ-da yaşayan Rabia Kadir uyğurların problemini dünyaya çatdırır.
Çinin Sincan-Uyğur bölgəsində yaşamış və uyğurların hüquqları uğrunda daim mübarizə aparan Uyğur Milli hərəkətinin rəhbəri Rabia Kadir artıq uzun müddətdir ki, uyğurların səsini dünyaya çatdırır. Çin hökümətini sərt tənqid etdiyi üçün 8 il həbsdə olan Rabi Kadir ona qarşı edilən təzyiqlərdən yaxa qurtarmaq üçün 2005-ci ildən bəri ABŞ-da yaşayır və dəfələrlə BMT tribunasından uyğurların problemindən danışıb. Şərqi Türküstanın 65 ildən çoxdur ki, Çin kommunist rejiminin təsiri altında olduğunu deyən Rabia Kadirin sözlərinə görə, Çin höküməti uyğyurları bir millət olaraq məhv etmək üçün bütün siyasətini yürüdür:
"Çin kommunist hökuməti Türküstanı işğal etdikdən sonra bizə muxtariyyət verdi. Mədəniyət, dil, din muxtariyyəti vəd etdi. Amma heç birinə əməl etmədi. 1949-cu ildə Çin Şərqi Türküstanı islah etdiyi zaman əhalisi yalnız 2 faizini çinlilər, 86 fazini uyğurlar təşkil edirdi. Çin Şərqi Türküstanın demoqrafiq vəziyyətini dəyişdi. İndi Şərqi Türküstanda olan uyğurların sayı azalaraq 50 faizə düşüb. Çin höküməti onların siyasətinə qarşı çıxanları terrorist adlandırır, həbs edir və öldürür”.
Rabia Kadir xüsusuilə də Ramazan ayında uyğurlara qarşı təzyiqlərin artdığını deyib:
"Dini təzyiqlər xüsusu ilə artıb. Uyğurların oruc tutmasına, ibadət etməsinə qadağa qoyulub. Oruc tutanlar cəzalandırılıb və oruc tutan insanlara məcburi şəkildə yemək verirlər. Müəllimləri küçələrə çıxarılır. Məcburi şəkildə rəqs etdirilirilər. Çin hökümətinin yürütdüyü bu ədalətsiz siyasət, zülm sonda uyğurların etirazına və küçələrə çıxmasına səbəb oldu”.
Rabia Kadir onu da əlavə edib ki, 14-15 yaşlı gənc uyğur qızları məcburi şəkildə ailələrindən alınaraq, Çinin digər bölgələrinə aparılır. Bu faktı Çin höküməti rəsmi olaraq təsdiq edib. Rəsmi məlumatda qeyd edilir ki, 2006-cı ildə 240 min gənc qız Şərqi Türküstandan Çinin digər bölgələrinə məcburi şəkildə göndərilib.
(anspress.com)
Xəbərdən istifadə edərkən istinad etmək vacibdir.
