Beynəlxalq Əsassız erməni iddiaları ilə Mübarizə Dərnəyi (ASİMDER) şərq və Cənub-Şərqi Anadolu bölgə nümayəndəsi İrfan Ermiş Ermənistan hökumətinə cavab verməyə hazırlaşdıqlarını deyib.
İrəvandakı Göy məsciddə cümə namazı qılmaq tələblərinin qarşılanmadığını deyən Ermiş sentyabrda Türkiyə ərazisindəki "Axtamar” kilsəsində keçiriləcək ayinə mane olacaqlarını bildirib.
Axtamar kilsəsinin fasadında türk motivləri
Van vilayətinin Gevaş rayonunda yerləşən"Axtamar”ın xristian Peçenek türkləri tərəfindən tikildiyinibildirən Ermiş burda keçirilən ayində ölkədən və xaricdən çox sayda erməninin iştirak etdiyini və heç kimin onlara mane olmadığını vurğulayıb.
Axtamar kilsəsi
"Türkə yaraşan qonaqpərvərliyin ən yaxşısını nümayiş etdirdik və hələ də bunu edirik. Biz ASİMDER olaraq atalarımızdan gördüyümüz qonaqpərvərliyi göstəririk. Ermənistanın paytaxtı İrəvandakı Göy məsciddə cümə namazı qılmaq istəyirdik. Amma müraciətlərimiz Erməınistan hökuməti tərəfindən qəbul olunmadı. Biz də ASİMDER olaraq bu il keçiriləcək ayinə icazə verməyəcəyik. Bu məsələdə şəhərdəki QHT-lərlə təmas quracağıq. Həmçinin yerli sakinlər də bu istiqamətdə məlumatlandırılacaq və ayinə mane olacağıq”.
ASİMDER şərq və Cənub-Şərqi Anadolu bölgə nümayəndəsi İrfan Ermiş
ASİMDER olaraq heç kimin ibadətinə mane olmadıqlarını vurğulayan Ermiş sadəcə olaraq ermənilərə cavab verəcəklərini deyib: "Başqalarının ibadətinə mane olmaq bizim əsalətimizə yaraşmaz. Amma biz Ermənistan hökumətinin mövqeyinə cavab veririk.” (7news.az)
Xəbərdən istifadə edərkən istinad etmək vacibdir.
