Amerikalı alimlər kompüter analizi yolu ilə İŞİD-in hərbi strategiyasını modelləşdiriblər.
Avropa.info xəbər verir ki, kompüter proqramına 2014-cü ilin ortasından bu yana
İŞİD-in iştirakını əks etdirən 2200-dən çox epizod yüklənilib. Ekspert
Paulo Şakariana deyir ki, ABŞ aviasiyasının bombardmanları ilə İŞİD-in
strategiyası arasında əlaqə tapıblar. Bombardmanların artması göstərir
ki, İŞİD-çilər irimiqyaslı yerüstü əməliyyatları dayandırıb əldəqayırma
partlayıcı qurğulardan istifadə etməklə partlayış törətməyə keçirlər.
Alimlər
müəyyən edib ki, genişmiqyaslı hücumlardan öncə bomba doldurulmuş
avtomobillərlə icra edilən kamikadze hücumları artır. İŞİD-in bu
taktikası İraq ordusunu öz qüvvələrini parçalamağa məcbur edir. Belə ki,
arxa cəbhədə yerləşən şəhərlərdə baş verən partlayışlardan sonra hadisə
yerinə xeyli sayda hərbçi göndərilir.
Xəbərdən istifadə edərkən istinad etmək vacibdir.
