Millət vəkili Leyla Abdullayeva Avropa Parlamentinin Azərbaycanla bağlı qəbul etdiyi qətnaməyə münasibət bildirib.
Deputat qeyd edib ki, bu qətnamə qərəzli xarakter
daşıyaraq ikili standartlar siyasətinin bariz nümunəsidir.
"İkili
standartlar siyasətindən əziyyət çəkən ölkələrin başında müsəlman
ölkələri, o cümlədən Azərbaycan dayanır. Bunu hamımız yaşamışıq və
bilirik. İşğal olunan, aqressiyaya məruz qalan ölkə bizik. Amma
Ermənistana qarşı heç bir sanksiya
tətbiq olunmur. Azərbaycan kimi tolerant bir ölkəyə qarşı isə təzyiq
mexanizmlərini işə salmağa çalışırlar. Əminlikə demək olar ki, bunun heç
bir nəticə və effekti olmayacaq. Azərbaycan bu gün stabillik və inkişaf
məkanıdır. Bölgədə gedən prosesləri izləyirik. Görünür, kimlərinsə
respublikamızın azad və müstəqil siyasəti xoşuna gəlmir. Bunların
arxasında birmənalı olaraq erməni lobbisi dayanıb. Cənab Prezident də
dəfələrlə qeyd edib ki, bizim bir nömrəli düşmənimiz məhz onlardır”. (teleqraf.com)
Xəbərdən istifadə edərkən istinad etmək vacibdir.
