Azərbaycanın ilk regional xəbər portalı olan, artıq 6 ildir ki fəaliyyət göstərən "Sumqayitxeber.com”un təsisçisi və baş redaktoru Eyvaz Qocayev 1 noyabrda keçiriləcək Parlament seçkilərində 43 saylı Sumqayıt üçüncü seçki dairəsindən namizdəliyini irəli sürüb.

Avropa.info xəbər verir ki, son 10 ildə təlimçi, jurnalist və yazar kimi fəaliyyət göstərən Eyvaz Qocayevin yazdığı "Karyera bələdçisi” kitabı Azərbaycanda ən çox satılan kitablar siyahısına düşüb.

Sumqayıtda yüzlərlə gəncə həm İKT, həm də karyera planlaşdırılması sahəsində təlimlər keçən Eyvaz Qocayev şəhərin sosial-mədəni həyatında xüsusi fəallığı və özünəməxsus təşkilatçılıq qabiliyyəti ilə seçilən bir gəncdir.