Bildiyimiz kimi 1 noyabr 2015-ci il tarixində Azərbaycan Respublikasının Milli Məclisinə seçkilər günüdür. Yeni Azərbaycan Partiyasının 42 saylı Sumqayıt 2-ci seçki dairəsindən Azərbaycan Respblikasının Milli Məclisinə deputatlığa namizədi Tahir Mirkişili oktyabrın 12-si seçiciləri ilə ilk görüşünü planlaşdırıb. Seçicilərlə görüş: Sumqayıt şəhəri 1-ci mikrorayon 8/5 saylı binanın qarşısında nəzərdə tutulub.
Qeyd edək ki, hakim partiyanın namizədi Tahir Famil oğlu Mirkişili – 1977-ci ildə Azərbaycanda ziyalı ailəsində anadan olmuşdur. 1994-cü ildə Azərbaycan Dövlət İqtisad Universitetinin Beynəlxalq İqtisadi Münasibətlər fakültəsinə daxil olmuşdur. 1997-ci ildə Azərbaycan Respublikası Təhsil Nazirliyi tərəfindən keçirilən ali təhsil müəssisə tələbləri arasındakı Ümumrespublika İqtisadiyyat Olimpiadasında 1-ci yeri tutmuşdur. 2000-ci ildə magistr pilləsini fərqlənmə diplomu ilə bitirərək "beynəlxlq iqtisadçı” magistr dərəcəsi almışdır.

2004-cü ildə ABŞ-ın Stanford Universitetinde İKT İqtisadiyyatının idarəedilməsi üzrə ixtisaslaşmış proqramı bitirmişdir. 1998-ci ildə Azərbaycan Resublikası Xarici İqtisadi Əlaqələr Nazirlyində Ümumdünya Ticarət Təşkilatı üzrə mütəxəssis, 2000-2006-cı illərdə Azərbaycan Dövlət İqtisad Universitetində "Dünya İqtisadiyyatı” fənni üzrə müəllim, 1999-2011-ci illərdə özəl sektorda İnformasiya Kommunikasiya Texnologiyaları sahəsində müxtəlif vəzifələrdə çalışmışdır. 2011-ci ildə Azərbaycan Respublikası İqtisadi İnkişaf nazirinin müşaviri təyin edilmişdir. 1-ci dərəcəli dövlət qulluqçusudur. 2014-cü ildən Azərbaycan Dövlət İqtisad Universitetində Dövlət Attestasiya Komissiyasının sədri, Azərbaycan Milli Elmlər Akademiyasının İnnovasiya Şurasının üzvü seçilmişdir.
2012-ci ildə informasiya kommunikasiya texnologiyaları sahəsində xidmətlərə görə Azərbaycan Prezidenti tərəfindən "Tərəqqi” medalı ilə təltif olunmuşdur.

"Heydər Əliyev Mərkəzi” ,"ASAN Xidmət”, "Elektron İmza”, "Elektron Hökumət”, "Elektron Təhlükəsizlik”, "Elektron Təhsil”, "Made in Azerbaijan” kimi uğurlu layihələrin həyata keçməsində bilavasitə iştirak etmiş, dünyada vaş verən mühüm yeniliklərin Azərbaycana gətirilməsində mühüm rol oynamışdır.
2005-2010-cu illər ərzində ABŞ, Böyük Britaniya, Fransa, Almaniya, Yaponiya, Sinqapur, Cənubi Koreya, İspaniya, Malayziya kimi olkələrin innovativ iqtisadi modellərini araşdırılması ilə məşğul olmuşdur.
1 kitabın və 10 elmi məqalənin müəllifidir.
Ailəlidir. İki övladı var.