Neftin aşağı qiymətindən narahat olan bəzi ölkələr bununla bağlı tədbir görülməsini istəyir.
Ötən həftə ilə müqayisədə "qara qızıl" yeni həftəyə ucuzlaşma ilə başlayıb.
-in məlumatına görə, oktyabrın 12-də Londonun İCE ("İnterContinental Exchange Futures") birjasında "Brent" markalı neftin bir barrelinin qiyməti 53,03 dollara qədər düşüb.
Nyu-Yorkun NYMEX ("New York Mercantile Exchange") birjasında "Light" markalı neftin bir barrelinin qiyməti isə ucuzlaşaraq 49,99 dollar təşkil edib.
Dünya bazarında Azərbaycan "AzeriLight" markalı neftinin də ucuzlaşmasına baxmayaraq, digər markalarla müqayisədə üstünlüyünü qoruyub saxlayıb. Belə ki, London birjasında "AzeriLight" markalı neftin bir barrelinin qiyməti 54,65 dollardır.
"Qara qızıl"ın bu günə olan qiyməti (dollarla)
Dünya bazarında neftin qiymətinin aşağı olması bəzi ölkələri ciddi narahat edib. Bir müddət əvvəl Rusiya prezidenti Vladimir Putin ABŞ telekanalına müsahibəsində etiraf etmişdi ki, neftin qiymətinin aşağı olması Rusiya iqtisadiyyatına sanksiyalardan daha çox zərər verib. Məhz bu səbəbdən şimal qonşumuz OPEC-ə (Neft İxrac Edən Ölkələr Birliyi) daxil olan və olmayan ölkələrlə görüşməyə hazır olduğunu bildirib. Əsas müzakirə mövzusu isə qlobal neft bazarındakı vəziyyət və ona mümkün təsir imkanları olacaq.
Bəzi mənbələr Səudiyyə Ərəbistanı və Rusiya rəsmilərinin görüşü zamanı bu məsələlərin müzakirə ediləcəyini də gözləyirdilər. Lakin ekspertlər həmin görüşün səmərəsinin az olacağından və ya tamamilə səmərəsiz olacağından ehtiyat edirdilər. Çünki Səudiyyə Ərəbistanı və Rusiyanın Suriyadakı maraqları bir-birinə zidd olduğundan Səud rəsmilərinin Rusiya ilə razılığa gələməyəcəyi gözlənilir. Ötən gün baş tutan görüşün təfərrüatları hələ ki bəlli deyil.
Vladimir Putin və Səud müdafiə naziri Məhəmməd bin Salman bin Əbdüləziz Əl Səud
11 oktyabr Soçi görüşü
Foto: AP
Bununla belə, qeyd edək ki, Venesuela da neftin uzun müddət aşağı qiymətindən əziyyət çəkən bir ölkə kimi bu cür tədbirlərə əl atmış, OPEC ölkələri ilə danışıqlar aparılmasını təklif etmişdi. ANS PRESS
Xəbərdən istifadə edərkən istinad etmək vacibdir.
