Suriya müxalifətini təmsil edən ən böyük siyasi birlik olan Suriya Milli Koalisiyası BMT emissarı Di Misturanın Bəşər Əsədlə danışıqlara getmək təklifinin rədd edib.
Rədd cavabının əsas səbəbi Rusiyanın Suriyaya müdaxiləsidir. Suriya Milli Koalisiyasının yaydığı bəyanatda deyilir:
"Milli koalisiya işçi qrupların danışıqlara getmək təklifindən imtina etmək qərarına gəldi. Biz hesab edirik ki, BMT qətnamələrinə və Cenevrə danışıqlarına riayət olunması üçün Rusiyanın təcavüzkarlığının dayandırılması vacibdir”.
Koalisiya qeyd edir ki, Rusiya İŞİD-lə mübarizə adı altında əsas atəş gücünü dünyəvi müxalifətə və loyal islamçılara qarşı çevirib. Moskvanın hərəkətləri beynəlxalq hüququn kobud şəkildə pozulması və genosid aktıdır.
Qeyd edək ki. beynəlxalq razılaşmalar Suriyada keçid hökumətinin yaradılmasını nəzərdə tuturdu. (Avropa info)
Xəbərdən istifadə edərkən istinad etmək vacibdir.
