43 saylı Sumqayıt üçüncü seçki dairəsindən Yeni Azərbaycan Partiyası tərəfindən Milli Məclisin deputatlığına namizədliyi irəli sürülmüş Muxtar Bahadur oğlu Babayevin seçicilərlə görüşü keçirilib. Görüşdə seçki Qərargahının üzvləri və seçki dairəsinin ərazisi üzrə  seçiciləri iştirak edib.
Tədbirdə namizədin vəkilləri çıxış etmiş və son beş ildə görülən işlərdən ətraflı söz açıb. Namizədin hazırkı seçki platforması seçicilərin nəzərinə çatdırılıb.
Görüş zamanı deputatlığa namizəd Muxtar Babayev ölkədə aparılan geniş miqyaslı quruculuq abadlıq işlərindən, iqtisadi nailiyyətlərdən və qarşıda  duran vəzifələrdən ətraflı söz açıb.
Görüşlər 8 və 9-cu mikrorayonlarda keçirilib. Hər görüşdə 400-450 nəfər seçici iştirak edib. Seçicilərin problem və təklifləri dinlənilib və onların həlli istiqamətində seçicilərə köməklik göstərilməsi bildirilib.