"Azərbaycan Ermənistanın ballistik raketlərini tam neytrallaşdırıb”. Bu açıqlamanı  mərkəzi ofisi Avstraliyada yerləşən Holokostu və "Soyqırımı” Araşdırma İnstitutunun təhqiqatçısı, erməni analitik Masis İngilisyan deyib ki, Ermənistan gizlicə Dağlıq Qarabağda "Skad B” ballistik raketlərini yerləşdirərək Qarabağda hərbi əməliyyatların başlayacağı təqdirdə Azərbaycanın neft infrastrukturunu hədəf almağı planlaşdırırdı. Lakin hazırda Azərbaycanın malik olduğu S-300 PMU "Favorit” zenit-raket sistemləri ölkənin əsas neft infrastrukturunu istənilən hava və raket hücumundan tam müdafiə edərək Ermənistanın ballistik raket təhdidlərini neytrallaşdırır.

Ekspertin açıqlamasında həmçinin bildirilir ki, Ermənistanın 8 atış qurğusu və 24 belə raketi var. Lakin bu atış qurğularından eyni vaxtda 8 raketin buraxılması belə Azərbaycanın S-300 PMU "Favorit” zenit-raket sistemlərinin müdafiəsini yarıb keçməyə imkan vermir. Çünki bu zenit-raket sistemləri eyni vaxtda 12 raket buraxmaq imkanındadır  və Ermənistanın istənilən ballistik təhdidini neytrallaşdırmağa imkan verir.

Masis İngilisyan bildirir ki, Azərbaycan Ermənistana və cənub qonşusu İrana qarşı mürəkkəb Hava Hücumundan Müdafiə sistemi qurub, bu sistem istənilən potensial təhdidin qarşısını almağa imkan verir. Bundan başqa Azərbaycan hazırda regionun əsas oyunçusu kimi kifayət qədər möhkəmlənib, həm də təkcə hərbi planda deyil, geosiyasi planda mövqelərini gücləndirib.(Virtual.org)