Kamikadzenin özünü partlatması nəticəsində 22 nəfər dünyasını dəyişib.
Pakistanda Aşura günü ilə əlaqədar keçirilən Kərbəla matəmində çox sayda insanın ölümü ilə nəticələnən terror hadisəsi baş verib. Ölkənin cənubundakı Sind əyalətinin Cakobabad şəhərində kamikadzenin özünü partlatması nəticəsində 22 nəfər dünyasını dəyişib. 



Regionun polis rəisi Xuda Buk partlayış nəticəsində qadın və uşaqların da olduğu 22 əzadarın öldüyünü, çox sayda insanın yaralandığını bildirib. Terror hadisəsinin məsuliyyətini üzərinə götürən olmayıb. 



Bu, Pakistanda son bir həftədə baş vermiş üçüncü terror hadisəsidir. Bundan əvvəlBelucistan əyalətində şiə məscidində törədilmiş partlayış zamanı 10 nəfər ölmüşdü. Yenə həmin əyalətin Kvetta şəhərində sərnişin avtobusuna yerləşdirilən bombanın partlaması 11 nəfərin ölümü ilə nəticələnmişdi. (ans press)