"İraq və Şam İslam Dövləti" (İŞİD) terror qruplaşması Suriyanın Rəqqa şəhərində qadınlardan ibarət "canlı bomba dəstələri" formalaşdırmağa başlayıb.
Dəstələrə yerli sakinlər və İŞİD-ə müxtəlif ölkələrdən qatılmış terrorçuların "hərəmxana"larındakı qadınlar cəlb olunurlar.
İŞİD rəhbərliyi yeni yaradılan "canlı bomba" dəstələrinə xarici ölkələrdən terror təşkilatına qatılmış qadınları daxil etmək niyyətində deyil.

Həmin qadınlar İŞİD-in faktiki paytaxtına çevrilmiş Rəqqa şəhərində "Əl Xansa" briqadasındadırlar. Qadınlardan ibarət "əl Xansa" İŞİD-in "qadın polisi" sayılır.

Üstəlik, xarici ölkə vətəndaşları olan qadın terrorçulardan İŞİD təbliğat üçün istifadə etdiyindən onların "canlı bomba"lara çevrilməsi "sərfəli" hesab olunmayıb.

İŞİD yeni yaratmağa başladığı "qadın canlı bomba dəstəsi"ndən Suriyadakı döyüşlərdə istifadə edəcək.

Terrorçuların fikrincə, qadınlar "düşməndə daha az şübhə yaradırlar".(Daily Mail)